სალონიკი – ჩრდილოეთ საბერძნეთის მეორე უდიდესი ქალაქი და კულტურის, ისტორიისა და თანამედროვეობის საოცარი შერწყმა. ეს ქალაქი გაჟღენთილია რომაული, ბიზანტიური და ოსმალეთის ეპოქების კვალიანი არქიტექტურით, ხმაურიანი ტავერნებით, ახალგაზრდული ატმოსფეროთი და ზღვისპირა სილამაზით.
გთავაზობ ტოპ 10 ღირსშესანიშნაობას, რაც აუცილებლად უნდა ნახო სალონიკში:
თეთრი კოშკი (White Tower of Thessaloniki)
White Tower of Thessaloniki ქალაქის სიმბოლოა – ოსმალების მიერ აშენებული თავდაცვითი კოშკი, რომელიც ახლა მუზეუმს წამოადგენს. სახურავიდან ზღვისა და ქალაქის ხედი იშლება.
წმინდა დიმიტრის ტაძარი (Agios Dimitrios Basilica)
სალონიკის მფარველი წმინდანისადმი მიძღვნილი ტაძარი, რომელიც VI საუკუნეშია აშენებული. შიგნით ნახავთ უძველეს მოზაიკებს და სიწმინდეებს.
გალერიუსის თაღი და როტონდა (Arch of Galerius & Rotunda)
რომაული იმპერატორის მემკვიდრეობა – თაღი ისტორიულ ტრიუმფს აღნიშნავს, ხოლო როტონდა კი სხვადასხვა დროს ეკლესია, მეჩეთი და მუზეუმი იყო.
სალონიკის არქეოლოგიური მუზეუმი
ჰელენისტური, რომაული და მაკედონიური ეპოქების საგანძური. აქ ინახება უძველესი სამარხები, ქანდაკებები და ოქროს სამკაულები.
თბილისი სალონიკი
| გამგზავრება | დაბრუნება | ავიაკომპანია | ბილეთების პოვნა |
|---|---|---|---|
| 20 ივნისი 2025 | 27 ივნისი 2025 |  | ავიაბილეთები 589 - დან |
| 7 ივლისი 2025 | 21 ივლისი 2025 | | ავიაბილეთები 603 - დან |
ბიზანტიური კულტურის მუზეუმი
ერთ-ერთი საუკეთესო ბიზანტიური მუზეუმი მსოფლიოში – მოზაიკები, ხატები, ფრესკები და ყოველდღიური ნივთები ქრისტიანული ეპოქიდან.
ლადადიკას უბანი (Ladadika District)
ძველი სავაჭრო უბანი, რომელიც ახლა სავსეა ტავერნებით, ბარებითა და მუსიკით. საღამოს განსაკუთრებით ცოცხალია – იდეალურია ვახშამისა და ადგილობრივი ღვინისთვის.
ანო პოლი (Ano Poli – ზემო ქალაქი)
ქალაქის უძველესი და ყველაზე ავთენტური უბანი, სადაც დაგხვდება ვიწრო ქვის ქუჩები, ტრადიციული სახლები, ოსმალური ციხესიმაგრე და ულამაზესი ხედები ქალაქზე.
ვიქტუალმარკეტი და კაპანის ბაზარი
ტრადიციული საბერძნეთის ხიბლი – ახალი პროდუქტი, სანელებლები, ზეთისხილი, ყველი და ხალხური ატმოსფერო.
სანაპირო ბულვარი (Nea Paralia)
გრძელი ზღვისპირა ბულვარი სასეირნოდ, ველოსიპედით გასასვლელად ან კაფეში დასასვენებლად. აქვეა ცნობილი სკულპტურა – “ქოლგები”.
კასტრას ციხესიმაგრე (Heptapyrgion / Yedi Kule)
ზემო ქალაქში მდებარე შუასაუკუნეების ციხესიმაგრე. ადგილი იდეალურია ისტორიისთვის და პანორამული ხედებისთვის.
